Book பாற்கடல்

தினம் ஒரு புத்தகம்

________________________________

பாற்கடல்

(வைரமுத்து)

_________________________________

        குமுதம் இதழில் வெளிவந்த கவிப்பேரரசின் அற்புதமான கேள்வி - பதில்களின் தொகுப்பு இந்நூல். 

       வாழ்வியல், அரசியல், கலை, இலக்கியம், அறிவியல் என்ற பல பரிணாமங்களோடு இயங்குகிறது இந்தப் " பாற்கடல் " ..

        பகுத்தறிவும், முற்போக்கும், மண் நேசமும், மனிதப் பிரியமுமே இந்த பதில்களின் அடிநாதம்.

கேள்வி - பதில்களில் ஒரு சில...

1.கேள்வி : காலையில் எழுந்ததும் கண்முன் படும் வாசகம் சொல்லுங்கள்?

  பதில் : "நின்ற இடத்தில் நிற்க

  வேண்டுமா? ஓடிக் கொண்டே இரு."

2.கேள்வி :சேமிப்பு எப்படி இருக்க வேண்டும்?

    பதில் : சேமிப்பு மூன்றாக இருக்க வேண்டும். 1.சோறு, 2.அரிசி. 3.விதை நெல்.

சோறு : இன்றையத் தேவை.

அரிசி  : நாளையத் தேவை.

விதை நெல் :எதிர்காலத் தேவை..

3.கேள்வி :யாரிடம் பேசினால் அனுபவம் கிடைக்கும்?

    பதில் : ஓய்வு பெற்ற நீதிபதிகள், காத்திருப்போர் பட்டியலில் உள்ள காவல்துறை அதிகாரிகள், அரை வயதில் களமிழந்த அரசியல்வாதிகள், கட்டிய வீட்டில் திண்ணைக்கு எறியப்பட்ட கிழவன், மூத்த சவரத் தொழிலாளி....

        பலதரப்பட்ட கேள்விகளுக்கு கவிஞர் அளித்திருக்கும் பதில்கள் சிந்தனையைத் தூண்டுபவை.

                 (விலை : ரூ 150)

                 (கிழக்கு பதிப்பகம்)